ياواقع فيه شي من المحال وشي مو معقول

لـ مفلح نجم، ، في المدح والافتخار، 12، آخر تحديث

ياواقع فيه شي من المحال وشي مو معقول - مفلح نجم

ياواقع فيه شي من المحال وشي مومعقول
ياضرب من الخيال اللي فتق صدر السحاب وطال

منين ابداك وانت ابلغ من التعبير والمدلول
ياحضرة منطق الاعجاز مدري فيك وش ينقال

سريت البارح من اغلى بلد والصدر فيه طبول
وصفق امواج من بحر الوله لمعربين الخال

بني ياس المقر الثابت اللي حبلهم مفتول
دروع الجنب مزبان الدخيل ان ضاق فيه الحال

وقبل مايهبط الكبتن بمعلم هام فيه عقول
من الابداع والتطوير وعزومٍ وراها ارجال

تلقتنا بروج العاصمة كن البروج تقول
هلا بريحة هلي وتْمد باليمنى لنا الفنجال

يفوح الهيل من صفر الدلال ومبخرتها تدول
وكن الارض لولو منتثر ماكن فيها رمال

يابوظبي اعذريني والعذر يابو ظبي مقبول
انا من وين اجيب حروف وانتي مضرب الامثال

ياقلب السبع أمارات وسحايب خيرها المامول
ياميعاد الفرج لا كشر الوقت الردي واحتال

وهبك الله شيوخ ملوك فيها الملك شي مجبول
شيوخ احرار كن الله خلقهم انبيا عُدّال

ولازلتي يادرة. زايد ادروس وحكم. وحلول
وشريان الحياة وملتقى. ل اهل الفكر يختال

عسى الله يرحم اللي يسبق اقواله وفا وفعول
عظيٰمٍ خطط واسس بنى مستقبل الاجيال

وشال الحمل من بعده خليفه والعَهَد موصول
امانه والامانه مالها الاترتقي فجبال

على يمناه ابو خالد محمد حي ذا المسؤل
عطى للمجد لون ونكهه وميزه بكل اشكال

ومد جسور للعالم وحرك فكرها المشلول
كشف كل اقنعة اعداالنجاح وموطن الانذال

صنع تاريخ ثابت للعرب ماهو حكي معسول
ولا كومة شعارات وطموح لشلة الجهال

ولد زايد حصنها النايف وسيف الله المسلول
ولد زايد ل قال نحقق الاحلام قال وطال

© 2024 - موقع الشعر