محاورة بين مشعل العريعر ومهند العشيش

مشعل العريعر:
يا هلا بك مرحبا .. مرحبا بك يا هلا

مرحبا بك عد ما .. طار طير(ن) بالفلا
وانثنى ريشه على صيد ظبي(ن) بالخلا

والعرب ما تنحني غير في وقت السجود
يا هلا يمهند اللي حاضر(ن) في كل طاري

ومرحبا بك يالقريشي والصفوف اللي بنوها
وانت تدري بان قلبي والله انه دوم شاري

صارت الروح الجريحه حايره فيما حدوها
مهند العشيش:

ارحب ارحب ياولد شيخ هبس المكرمات
البقا ياصاحبي والبقى بالآتيات

دامنا حنا على روس كل النايفات
والعرب ماتنحني غير في وقت السجود

دام عزك ياولد شيخٍ حمى طير الحباري
سيرةٍ من مجدها ياصاحبي قد خلدوها

وانت ذيبٍ من ذيابه ماتهاب من الغداري
علموا واشنطن اللي قد غزتنا علموها

مشعل العريعر:
دام عزك يا وطن ما يهم اللي طمع

لن قسمي خالدي نورهم دايم سطع
ولن ارضي دونها سيفنا اليا لمع

والعرب ما تنحني غير في وقت السجود
انت مثلك من عرفته ما يكذّب او يماري

ما على مثلك معابه وانت سمها ونت ابوها
حكم ربي من خلقني عهد ما غيّر مساري

والعرب فيهم مشاكل والحرايق ولعوها
مهند العشيش:

ادري انك خالدي وادري انك ماتهاب
مشكلتنا مشكله باابن آوى والذياب

والدعاوي مننا والله اللي مستجاب
والعرب ماتنحني غير في وقت السجود

يارفيق المعرفه مليت من لعب الحواري
والبلد والشكوى لله بالبطاقة قسموها

امسك الكوره وامررها على خصمي كباري
والعرب جمهور باستاد السياسه شجعوها

مشعل العريعر:
يا مهند لو تبي جعل يفداك الغبي

انت ما مثلك ولد عارف(ن) وش مطلبي
تدري وش هو مذهبي هو ترى شرع النبي

والعرب ماتنحني غير في وقت السجود
ما فعلت اللي تقول ومنت عالم فالبخاري

وانت شاعر قبل لابدا خل عنك اللي وطوها
يا بناخي لو سمعت الشور مني والقراري

السياسه يا مهند خلّها لمن وعوها
مهند العشيش:

سلموا سلموا لي على اهل السياسه
دام مذهبهم كذا نبشر بذل وفلاسه

دام ياخذني على مذهبي شعر الحماسه
والعرب ماتنحني غير في وقت السجود

جيت لك رجلٍ فهيم وبالسياسه انتحاري
بس لاأؤمن ترى بالضال واللي فجروها

اعربيٍ مايهمه موت والموت اختياري
موطني دار العروبه فشلونا وفشلوها

مشعل العريعر:
انت مثلك هايم(ن) نار حبك كالغضى

لا تجيني فالفجر لا تجيني فالضحى
يا مهند جعلها نار تسعر من لضى

والعرب ماتنحني غير في وقت السجود
احمد الله بان عقلي راجح(ن) والذيب ضاري

مثل ذاك اللي تقوله سبب الفتنه وجوها
والبلاوي ضيعتنا وقدت قدح الشراري

والبلا لا صرت صادق والمراجل كذبوها
مهند العشيش:

الصراحه يافتى يافتى انك جبل
والصعب يامن يشيل الصعب غير الجمل ؟

وانت يامشعل ترى وافيٍ فيك العمل
مسلمٍ ماانحني غير في وقت السجود

باكر الايام تبدي يابعد راسي وجاري
عن فتاةٍ هملوها شامخه مازوجوها

اسلم وسلم يامشعل وانت يانسل المثاري
ماتقصر لكن الله له مشيئه ( بهذلوها )