صباح الخير - مسفر ال مخلص

صباح الخير ياصوت رقيق يجذب الاسماع
ترانيمه تهز الشوق في قلبي ووجداني

صباح نسمته كوكو شانيل0 ونكهته نعناع
طيور الحب غنت به على ياليل ياداني

مع الليل البهيم يذوب ثلجي والعيون جياع
عشاها نظرة لاسلهمت من سود الاعياني

عسى نجل العيون اللي تخفف لهفة الملتاع
تصادف ركب شوق في طريق الحب وداني

على مر السنين وخافقي للحب ماينصاع
ولكن حسبي الله كيف اقاوم من تبلاني

مدام انه ملك عرش الخفوق وصار له مرباع
فانا ماقدر على سلهامة تامر وتنهاني

اغني لاعبر طيفه (تركد لاتفز بساع)
ولا ادري الا وانا من فرحته موَلت في الثاني

اجر( ايوه انا قلبي من الفرقا عليك التاع)
حبيبي لاتخلي شف قلبي شف وحداني

لو ان الوصل وديان يمر بها طريق سباع
سلكت الطرقه اللي ماسلكها قاصي وداني

لكن الحب يبقى شي لايشرا ولاينباع
احاسيس ومشاعر صادقه بقلوب خلاني

وانا شاعر وفي درب المحبه ماخذ لي باع
ولايكسر مجاديف الهوى غير الهوى الجاني

عذايل في دروب الحب لاتسمع ولاتنطاع
لو يشرع جهاد في المحبه جيت له عاني

يقولون العرب ماطار طير مرجعه للقاع
وانا اقول ان طيور الحب طارت دون رجعاني

© 2024 - موقع الشعر