بنت البدو - مسفر ال مخلص

مل قلب نوى ترك الهوا والغرام
واعترض دون شفه حب بنت بدوي

شفتها في طريقي سارحٍ للدوام
في تقاطع (-) شارع ابن ..........

وقفتهم الاشاره في المواقف الامام
سوبر وارد الممتاز عزمه قوي

يوم مديت شوفي عند ايميني قيام
شفت خشف كوا الخافق وزاد الكوي

ويوم لديت صوبه والتفت لي شمام
قلت اكحًل عيوني والهدف معنوي

لين سلهم بعين فوق حد اللثام
عقبها كبرت اهدافي وزاد نهوي

قلت اشغل بلوتوثي . على وضع عام
يمكن الحظ ذا المرة يجي مستوي

ويوم جتني الاسامي في خبيث الرسام
وشفت في المحتوى (بنت البدو) محتوي

ثم زرقنا الرسايل مثل زرق السهام
لين جاته وشفته للوصل مهتوي

عقبها حرًكوا والقلب فيه انقسام
خايف مايكلم والحظوظ ضعوي

وعقب يومين لاشرب ولابه منام
شفت رقم غريب قلت يمكن خوي

قلت الو. بعدها بادر وقال السلام
يوم سلم رقيق الصوت . فض اسعوي

قالت انت (الشقاوي ) او غلط في الاسام
والشقاوه. صفه في واقعي ونحوي

قلت انا اسمي الشقاوي اي علي بالحرام
وان علمي عقب فرقاش حبلي طوي

قالت انت بدوي. مالحقك الملام
بس عطني خفايا علمك الملتوي

قلت انا يامي . وافخر بصبيان يام
لابة تنعرف لاجا صباح ودوي

وباقي العلم لدي للضوامي الحيام
شفًها شربة من عدكم ترتوي

وان بغيتي نترجمها بعذب الكلام
الله يجيب حبٍش في الحشا مقنوي

ودي اشوف زولش ياضبي العدام
صح شفتش ولكن؟ خافقي ماروي

والله اني شفوق للقا في الختام
وان لفيتي فانا بانذر بذبح (سروي)

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر