راكب اللي يعجبك مركبه في كل نب
والمعارض كلبيها حشا ماطبًها
أرسلوه لسايقه والشكل حسب الطلب
والمفاتيح استلمها وجا يلعبًها
سايقه يرتاح باله اليا منه ركب
فوق سيته والمطبات ماذهب طبًها
لي نهض مقدمه كنه تعزواية شنب
ويوم يمشي شاجع والمعارك ربًها
رنج روفر كنه الموج لامنه انجذب
والمراتب جلد بيج مزيًن صبًها
ولون طبلونه معا طارته فستق حلب
والجنوط تقول لعن الله ابو من سبًها
وكن وجهه خشف ريم تسلهم بالهدب
واعرفت بأن القلوب اشتقت في حبًها
وكنه يقول اطرق الخط وابشر بالشبب
وكل دار في طريقك بنطحن حبًها
ناصي ديرة الأجاويد وشيوخ العرب
الرجال اللي على الطيب تبدي نبًها
دار يام أهل الجمالات عالين النسب
والطبايع كل روس العداة اتجبًها
تنحر اللي يعشق المرجله من يوم شب
قاصد شيخ معا الصبح ضوه شبًها
شيخ قوم في المهمات دايم ينحسب
وقمة المجد اشهد انه لحاله ذبًها
لي تقدم ثم تكلم كلامه من ذهب
يخلص الحجه لمنه دخل في لبًها
ذاك منهو يكرم الضيف ويفك النشب
شايب لي جيت رجله قعدت احبًها
تاج راسي والدي محزمي هو والسلب
اشهد ان شوفه مناة القلوب وطبًها
والله اني يايبه لك على حسب الطلب
والصعيبه لاجلكم والله ان اطبًها
والله يعزك ويرفع مقامك في العرب
ياشجاع الراس شف القلوب وطبًها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
الوقت المطلوب للقراءة
دقيقتين و 41 ثانية
© 2020 - موقع الشعر