صباح الخير - عبدالرحمن مازن العطاوي

صباح الخير ياقلبي .. صباح الروح يااغلا إنسان
صباح الطيب والبسمه صباحك داخل عيوني

صباح المسك والعنبر.. صباح الشوق والتحنان
صباح الصبح للعالم. وصباح الناس للكوني

صباح القاف والمعنى.. صباح البحر والأوزان
صباحك شعرٍ والحانٍ ترُنم داخل شجوني

بربك قلي شخبارك بعد ماجيت لك ولهان
حبيبي صدق بوجودك تعال وناظر جفوني

اناظر وجهك البارق واتوه بعالم النسيان
وربي بعد ماأشوفك تزايد عندي جنوني

لقيت بصبحك الدافيء جمال الرسم والألوان
بصراحه.. يوم ترسملي تجمُل رسمي وفنوني

سرحت بطيفك الرائع كأني ساكنٍ بستان
وحولي ناس من ربعك حقيقة صدق حبوني

حبيبي والله أحبك وإذا ناوي على برهان
ابثت لك مدى حبي .. وأبيع الناس لاجوني

تعال وناظر أشواقي كأن بداخلي إنسان
ينادي للعرب ويصيح.. امانه لاتلوموني

سحرته ببسمة شفاتك تدلُع كنك الغزلان
تبتختر دايم قباله.. يصيح اليوم مفتوني

تلعثُم يومك تنادي.. تقول اطربنا يافنان
نسى شعره / نسى فنُه / تغُير عنده اللوني

جريحٍ جاي يصبح لك جريحٍ جايلك عطشان
فقد صبره بعد ماشاف جمالك ألف مليوني

ياعمري فدوت عيونك ملوك الصين واليابان
ومعاهم كل من قالوا تفضل.. ثم حيوني

أبيع الناس لعيونك.. وترى منهم عشر اخوان
وأبيع الدنيا بأكملها مادام انك ملك كوني

صباح الخير ياقلبي صباح المسك والريحان
صباح الطيب والبسمة صباحك داخل عيوني

© 2024 - موقع الشعر