علي كيفك!! - عبدالرحمن مازن العطاوي

ياحبيبي قلي وينك غايب شهور وسنين
وأنت تدري إني اكره سيرة البعد وما أطيقه

ياحبيبي من بعادك صرت انا شاعر حزين
بعدماكنت أحلم وينقلب حلمي حقيقه

بعدك جروحي تزايد .. والصدر كله ونين
وأنت تعرف اني عاشق ماحيا الا في عشيقه

إرجع..إرجع ياغناتي لايغرك عاذلين
لايغرك من تقرب وانت ماتعرف بريقه

العواذل في زمنا خابرين وعارفين
وأنت تعرف كل عاذل وش يسوي في دقيقه

يقلب الدنيا علينا / مايهاب العاشقين
عاذل والله ياعمري باع أغلا من رفيقه

أقسم اني ياحبيبي في غيابك ماأبين
غايبٍ كني سجين ينتظر شوفة شقيقه

ياعيوني / ياجفوني يا زهور الياسمين
إن بغيتي القرب (آهلآ) وإن رحلتي في حريقه !!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر