العب على كيفك وعيني تشاهدك
تطلع وتنزل في مكانك معنا
غادي وانا مدل وش لون اجاهدك
مالي ومالك يالصغير المظنا
ابك انت ماعندك وليٍ يساعدك
عنا غريب ولاعتبرناك منا
لو بلتفت يمدي عن الناس فاردك
بس اترفع وارتفع ماتدنا
لاني بسامع لك ولاني بناشدك
ابتركك قدام عيني تثنا
مادري وش اللي بين الاضلاع لاهدك
اللي من اسبابه كذا تمتحنا
اهب يالمقرود لا جاك قاردك
خلاك من شان المشاكل تعنا
ان طعتني تاقف على شان طاردك
يعطيك مايبغى على ماتمنا
ابليس بافكاره متكي يساندك
وانته وراه وكل ذنبٍ تجنا
حالك عليه اليوم محدٍ بحاسدك
ضايع واشوف خيام حزنك تبنا
مانته بطالع فوق من فعل ساعدك
لو تكثر الهجمات منا ومنا
الفهم غادي والمكارم تعاندك
والقلب لاغنو له خبول غنا
روّح عسى حظك على النار يوردك
ولا تعيش بخير حال وتهنا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.