عبر الطيف - محمد الفواز

سهرت الليل اسامر طيفك العابر مع الذعذاع
نسيم الليل ومحليه طيفك يحمله يمّي

يخفف ماسكن بالروح من هم وألم واوجاع
اخفيها واداريها واخلي وحدتي همّي

تحرق القلب بغيابك توريه العذاب انواع
مسلم قلبي بيدها واقول بدونها سمّي

بدون اللي ملكته ماحسبت حساب له لو ضاع
ولاهمتني الدنيا لو اخسر دونها دمي

غياب ايام عندك بس عندي قالب الاوضاع
على ماقول لك تشهد دموع بللت كمّي

على ماقول لك تشهد عيون لاقبل المهجاع
يسريها عذاب عن عسر يخمها خمّي

وراسي صعب لكنه بدونك صاير مطواع
لهم البعد والغربه تطوع غصب وانضمّي

تعالي بس باسرع وقت قبل اضيع الاسناع
قبل لافقد صوابي ثم اصير بثوبي اومّّي

© 2023 - موقع الشعر