الطيف يالمهجوع في ناظري لاج
وانته لوانك فالتويبع ومسروج
عيا سنا نجمة مشارقك ينباج
والبرق ماله في حناديقك لعوج
لا واه انا مالي عقب طولك علاج
الا ليا من القمر جزر الموج
والا اليا من السنا للدجا باج
وزم الحجا الزامي ورى هبج ورتوج
واستاقني صدر شكا ضيق واحراج
يسوق ساقٍ للمراقيب ناهوج
وليا تهاوت للنظر برح الازراج
وشميت من نقر الصبا الصبح ساهوج
ماعاد للفرقا دواع ٍ على الزاج
لا كنها نوج ٍ ولا ابديبها نوج
سبيلها دمعٍ على الخد هداج
وارهامة ٍ من هولها القلب مفجوج
عليك ياللي للمعاطيش بهاج
يالجوهر اللي لك تواهيج ساروج
يلهق على خصرك من الليل ديباج
كنه ورى عنقك مثل عاقب الغوج
وسود ٍ سهمهن باوسط القلب خجاج
مع رمشهنه طلسم السحر ممزوج
اظلال براق ٍ غراق ٍ للامهاج
براق صيفٍ مااقتفى خيلته هوج
واواهج في سدها اللول لعاج
منطوقها من خمرالارياق مبنوج
واليوم ياخشم الينوفي ورى الساج
مايلتفت لارقاب رجوايه العوج
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.