الشاعر سعود بن ناصر ال شافي - محمد الحمراني

العذر مايغني امن الواجباتي
والسموحه منك ياذرب اليميني

والله انه ماهو بكيفي وذاتي
ياعريب الجد ساس الطيبيني

الظروف الي حدتني كايداتي
وانت حقك مثل حق الوالديني

الرفيق اللي علومه غانماتي
مثل ابوناصر عشير الغانميني

لو بسوي فيه سبع معلقاتي
مالحقت امجاد ذباح السميني

عزوتي وان جا نهارالعادياتي
لاحضرناس ٍ وناس ٍ غايبيني

ينطحون المعتدي بمصقلاتي
يوم وقت الخيل والسيف السنيني

الصحيح انا افتخربك في حياتي
وماتغيرني معك شهب السنيني

ياشنار الطيب من كل الصفاتي
ياولد شيخ ٍ لنا درع ٍ حصيني

ماقدرت اجيك ذا علم ٍ ثباتي
والسموحه منك ياذرب اليميني

© 2024 - موقع الشعر