بيرق قلطة الوطن والشاعر فارس الحمراني الهاجري - محمد الحمراني

هدو هدو لحظه ونرجو من الجميع الانتباه
حسب تقاليد العرب لحظة بوصف حالنا

لو غبت عن ارض الحدث الشعر مايلحق مداه
حتى ولو بكتب لكم معلقه بفعالنا

حنا على روس القمم نمشي على كل اتجاه
تشوش الموجات لامنه صعقه ارسالنا

فى كل محفل نحتفل بنجاز عالي مستواه
واليوم شاقتني فعول اخوانا وعيالنا

يسطر التاريخ فوزن تعجز اقلام الرواه
وتتوارث الاجيال وقفة شيخنا وابطالنا

الوقفه اللي تروي الضميان وتحقق مناه
وتاصل وتثبت للجيع افعالنا بقوالنا

ربعي هل الفزعات وقت الضيق ولا فى الرخاه
وبالموقف الحساس نرهق من يجي اقبالنا

يافزعة المظيوم لامنه حداه اللي حداه
لاقيل يابن حمور شاشت من وقع عيّالنا

هواجر ٍ ساس الظفر مانستمع قول الوشاه
واسودنا ترسم وتمشي من وراها اشبالنا

تحت الحميه صف واحد ماتفرقنا العداه
نارد على حوض المنايا والنصر من فالنا

متماسكين كلنا امن الكويت الى السراه
وسرنا نقدم للعلا بوجيهنا واموالنا

يشهد علينا بيرق القلطة ومنهو اللي خذاه
يوم احتماه الفارس الضرغام واسمه شالنا

عقب الحبابي قدم المجهود والبيرق حماه
وماهي غريبه والخلف يتبع سلفه اجيالنا

مثل بني هاجر وقحطان وتنومسنا معاه
كفو كفو يالابتي يوم الخصم ماحتالنا

الاد حمورن درعه وسيفه اليامنه نخاه
اميرنا اللي ينحني له شعرنا واجزالنا

ان شهد انه من تعزوابك يحقق مبتغاه
سجلت مجد ٍ يافهد من بعدنا لاجيالنا

© 2022 - موقع الشعر