الشيخ/ فهد بن عبدالله بن بعيث الحمراني الهاجري - محمد الحمراني

ياشيخ مشعان المشاعر هماليل
والعلم مايحتاج ناقص وزايد

بتلها من داخل الفكر وشيل
ماكن صدري من حروف ٍ جدايد

قصيدة ٍ موضوعها مطلع السهيل
اللي سطع بين النجوم وتزايد

تدرون منهو السهيل ؟ من دون تاويل
شيخ المكارم والوفاء والعوايد

هو الفهد رمز الظفر عادل الميل
لاضاقت الدنيا علينا سنايد

حكيم متواضع وكايد وحلحيل
وافي وزيزوم ومحنك وقايد

مايوفي بحقه قصيد مواويل
جينا نبارك له وجينا نعايد

جينا نشارك واقبلي ياتماثيل
وفى محتفلنا غردي يافرايد

اصوغ انا الفكره على الوزن وكيل
در القصيد وعانقتني شرايد

حي الدلال وحي صوت الفناجيل
وحي الرجال مطوعت كل كايد

يالاد حمور ٍ ياهل السيف والخيل
يافزعة المظيوم وقت الشدايد

والشعر فى مدح الرجال المشاكيل
ينقاد غصب وتنثني له قصايد

وانا حضرت ومامعي كود تمثيل
اما نفيد اونستمع للفوايد

جينا نشارك واقبلي ياتماثيل
وفي محتفلنا غردي يافرايد

© 2023 - موقع الشعر