(( قصيدة الوالد ))
شدو الجيران واقفو شوف يا عبدالله
الله يسمح طريق عيالنا الظفراني
والله انه لو بكيفي قلت لا لا بله
مانبي فرقا ربوع ٍ تكرم الضيفاني
طارشي بلغ سلامي يم عيد وقله
يشهد بطيبه بعيد الجد قبل الداني
خمسة شهور ٍ مضت والحمل شاله كله
جعل يسلم من خذا في ضفه الشيباني
والله إني ماقويت ودمعتي منهله
يوم شفت الذود قفت والفحل نيلاني
حارت الرجل بمحلي والقدم ماشله
لين غابو عن عيوني من وراء فزراني
(( مجاراتي لقصيدة الوالد ))
الله اكبر من بيوت ٍ جاتني منتله
جاتني مسترسله في بدعة القيفاني
قالها بصوته وطاروق الحزن يشتله
أحزنتني وأفرحتني وشغلت وجداني
في فراق إلي غلاهم ما حدن يحتله
ربعنا إلي طيبهم فايق على العرباني
ياذوي سيف المدح تستاهلونه كله
اشهد إن فعولكم يرجح به الميزاني
خمسة شهور انقضت بين انبساط وفله
بين ريضان خضر ومطارها وداني
هذا ردي ياالمراسل رح لبوي وقله
يقبل ردودي ويسمع جرتي والحاني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.