سلام الله على حبٍ رعاه القلب سبع سنين F##M

سلام الله على حبٍ رعاه القلب سبع سنين
على (( عل )) و (( عسى )) و ((يمكن )) تجيب البنت مرسالي

أخاطب نفسي بنفسي وأمر بشوق دار الزين
عسى الصدفة بلا موعد تجيب الصاحب الغالي

ترى القصة وما فيها غرامٍ دار بين إثنين
وعشقها بكل معنى الحب وقلبه قبلها خالي

تعاهدنا تواعدنا على حبٍ جمع قلبين
أنا المجنون مع ليلى وليلى آخر آمالي

أنا رمشٍ يغطيها وهي بتكون مثل العين
تظم بشوقها شوقي وتقهر كل عذالي

تنام الليل بأحظاني تدفيني عن البردين
بكل الشوق والإخلاص نعيش المر والحالي

رسمنا أحلام وردية بلا لوحة بلا تلوين
أماني في مهب الريح نسجها وهم الآمالي

ورسايل حبنا ضمت تواقيعي على حرفين
برمز ال( (F مبداها ورمز ال(M) بالتالي

أشوف الدنيا تضحك لي تجاريني من الصوبين
وأثاري لعبة الدنيا تهد الشامخ العالي

علينا دارت الدنيا وحاليها تحوّل شين
حكم فينا الزمن حكمٍ أبد ما كان في بالي

ورحت وراحت الحلوه ومشينا مفرق الدربين
طريقٍ تهت في ممشاه وفرحة ما تهيالي

دروب العشق من بعده تمشيني ولا أدري وين
أساير واقع الدنيا وأسلي حالي بحالي

حبيبة روحي وقلبي متى باللي جرى تدرين
متى بإسم الفرح ننهي معاناتي وغربالي

ألا يامن يذكرها بحبٍ دام سبع سنين
وبإسم الحب يهديها رقم بيتي وجوالي