قبل السفر قبل إنتوادع على خير
قبل الفراق يسلّم القلب للهم
جيتك وفي قلبي رياح ومعاصير
ولا عاد أميز ساعتي وقتها كم
فيني من الفرقأ عذاب وتعازير
وقلبٍ بلا شوفك تخلى عن الدم
وكسرت دونك كل الأبواب تكسير
وجيتك بليله ظالمه وأتظلم
آسف إذا جيتك وفي الوقت تأخير
بس العذر لله ما عدت أنا أهتم
مشتاق أبي قبل السفر ليلةٍ غير
فيها نذوّب ما بقلبي من الغم
ليلة تسوق العمر لأحلى التباشير
وحالف يمين بليلتي ما أتندم
ودي أظمك وأحظنك وأكتبك غير
وأرسم لك الماضي حروفٍ تكلم
وأكتب أحبك حب ما فيه تزوير
وأنت الوحيد اللي بحالي تفهّم
وأني عليك أغار من نظرة الغير
وأني أتمنى ليتني لك ولد عم
وأجعل هوانا عبرةٍ للأساطير
دامك عن اللي صابني منك تعلم
وأبكي على صدرك كما طفلاً إصغير
يمكن دموعي تنثر الحزن والهم
وإن جأ الصباح وقلت تصبح على خير
وحان الفراق وليلنا قال له تم
والله ما أدري في حياتي وش يصير
دام الحياة بدونكم من جهنم
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.