طاري ٍ مايروح بعيد دايم يعود
في منامي يجيني ناوي ٍ بالعذاب
مرحبا في غرامي مرحبا يالعنود
في خفوق ٍ متيم يعشقك مايهاب
الغلا في وريدي ياجميل الخدود
والمحبه بعرقي دونها كم باب
مستعد في غرامك اتحدى الفهود
ومستعد للمحبه لو تطير الرقاب
وانت يامن تغلا ياكذوب الوعود
ليه يامن تمكن بالمحبه وغاب
كيف تنسى المحبه وين ذيك العهود
والله اعلم بحالي لو يطول الغياب
الغلا والمحبه والموده تزود
في وريد ٍ يحبك لكن الحظ خاب
الغلا والمحبه دون حجم وحدود
والموده تعلا فوق حتى السحاب
بنشدك عن دروب الحب وبغى ردود ..ّّ!!
انت تشتاق والا لا يامال الذهاب ..؟؟
ياوجودي على الماضي ياليته يعود
وتذكر زمانن فات والحب شاب
وياوجودي وجود اللي يشوف الصدود
من صديق ٍ موالي لكن الوقت عاب
وياوجودي وجود وياوجودي وجود
وجد شايب تمنى لو يرد الشباب
في منامي يجيني طيف ذاك العنود
وتغنى بوصوفه قبل يبدا العتاب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.