ذيك العنود - خلف المشعان

والله ياخي داهيه يبو حمد ذيك العنود
أن صح تعبيري كذا والله ياهي داهيه

انت تخبرني لابغيت ارقالها ارقى اسنود
لكن وربي ماقدرت قدام لا الناهيه

ملعون ابو جد اصلها في وصلها عيت تجود
اجي من اقصى حيرتي واتزيدها متراهيه

ابحرت لآخر فكرها بس فكرها ماله حدود
ياخي وربي تمتلك دقة ذكا متناهيه

ياخوك ماهي صاحيه تلعب على أفواه الاسود
والياحكت يسمعلها نبض القلوب الساهيه

يلعن سنين الدلعنه وش زينها يومٍٍ تنود
أروح فدوة طولها ام القوام الباهيه

فعلا عنود ان قلتلك ياصاحبي فعلا عنود
وان صح تعبيري كذا والله ياهي داهيه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر