جتني رساله

(( جتني رساله منك لاسم حالي
من شفتها قلبي يرفرف بشده

قريتها بشويش ثم ضاق بالي
حسبي عليك شلون حيلي تهده ))

هذي بيوت أحمد لشخص ٍ ابالي
قام ونظمها يوم ماباح سده

أثر الغلا والحب فالقلب صالي
نارن سعيره فالحشا مستبده

كنها سوات الموت والموت جالي
محدن من العربان يقدر يرده

ياصاحبي اصبر بطول الليالي
باكر ترى سيفك عليهم تمده

واللي نساك انساه لو كان غالي
خذها نصيحه يعني صده بصده

ذكرتني ياخوك في مامضالي
يوم الغلا والحب فالقلب حده

كان الغلا والحب مثل الجبالي
بين الحشا والقلب مافيه قده

مير الليالي ابعدت راس مالي
خلن هويته بالغلا والموده