قلب ياما تمناك

البارحه من ضيقتي قلت ياليت
تعرف شعور اللي يحبك ويهواك

ابيك تفهم ياهوى البال كل بيت
من شاعر ٍ يبغى وصالك ويبغاك

يوم ادروب اطوال ياما تعنيت
راضي بتعذيبك ولا قلت بنساك

لاني علشانك من الشعر غنيت
ابيات شعر ٍ ياعساها فداياك

أنشهدني من غرامك تقهويت
وماطاب كيفي من دلالك وطرياك

اقدع على طاريك كانك تناسيت
قبل لاذوق الويل من حر فرقاك

لكن على الله يوم عني تخليت
والله يجازي من يسوي سواياك

لو كنت تدري بحالتي يومك اقفيت
ماكان هجرك صاير ٍ من مزاياك

الله حسيبك في غيابك تماديت
وانا ماعيش العمر لحظه بلياك

في غيبتك لامن على البال مريت
من حسرتي ماودي الا بلقياك

ابيك تسمع ماكتمته في ذا البيت
هذي وصاتي خلها دوم وياك

كانك رحلت اليوم عني وصديت
ابيك تنزع قلب ياما تمناك