الصندوق والحاوي

ياعود يامبخره ياجمر ياضاوي يامصنع إبداعي اللي مالقى زيي
لولا الكرامة بقلب العاشق الهاوي كان الثريا حبت في راحة يديي
لاتبهرك لعبة الصندوق والحاوي وتبيعني كلّني في حاجة شويي
من يعرض بضاعته لو كانت تساوي يرخِص غلاها على التجار وتعيي
خل الذهب في ثرى (مهد الذهب) ياوي واللي يريد الذهب يلقاه ياخيي
والله ولا شيّ يحداني على الراوي لو ينحر هدايتي على حجَر غيي
والزهرة اللي لواها فالزمن لاوي لو كحّلت عينها ما اسقيتها ميي
تذبل شقا ماتليّن راس برقاوي ألاّ على عزّ نفس و فرحة محيي
وانا وربّ الخلايق ماني بناوي لنّ الشعر صاحبي..وإحساسي وخيي
ماعاد لي حاجةٍ فالعالم الغاوي ياكود أنفّس عنا..واتنفس (هنيي)
واليا اسرحت فالسما شمسي وانا ضاوي أطعم فقارى هجيري من غنى فيي
واليا جرحني زماني حرفي مداوي ألاّ جروحٍ سبايبها بعد حيي
(والعمر + غرام الظالم) يساوي توليفة إبداعي اللي زوّدت كيي
والمبخره عودها من جمري الضاوي اللي يريد الفراق ولا لقا زيي