وش علام الحزن زارك يالخفوق السني - فهد السلمي

وش علام الحزن زارك يالخفوق السني
ياعذابك وياعذابي كان هذا حالي

والله انك مثل حالي وضيقتك هي مني
والله اني مثل شيخٍ عن دياره جالي

وده انه وسط ربعه لو مهب متهني
ولايروح إبعيد لو بخسر عزيز المالي

بس حدته الليالي للسفر متعني
وصار بينه وبين ربعه بالألف أميالي

وصارت الغربه حياتي وخاب فيها ضني
يالله اني لاتطول غربتي يالوالي

والله اني وسطهم عايش وعايش كني
في مهاميه الصحاري والهموم إجبالي

لاتقاليد العروبه ولاحلات الفني
ولالهم مذهب ولافيهم ولارجالي

والنساء أو مايسمى بالنساء في هني
سلعة تعرض وعرضٍ حط حدر انعالي

مثلهم مثل البهايم وحالهم مدني
ووضعهم وبشكل شامل خيبة وذلالي

ياخفوقي بحمد الله وأشكره لجل اني
من ديار ودين يكرم عن ردى الأنذالي

من ديار العز انشهد والكرم والبني
والحياة الي لها في خافقي منزالي

ديرتي تكرم ويكرم من لها متمني
وده انه في حماها بين عم وخالي

© 2024 - موقع الشعر