يامن عليها غيمت غيمة الطيب
ثم أرعدت ونهل بالطيب ماها
ثم انبتت طيبٍ مصفى بلا ريب
ومن طيب أهلها طاب منهو بحماها
دار البقوم أهل الكرم والمواجيب
أهل المعالي محتمينٍ ثراها
من عهد أبوهم والجدود النواجيب
وخلولها مجدٍ تعدى سماها
وسادت على المنهاج بالوزن ترتيب
حتى كفخ صقر الجزيرة وجاها
وقامت تهليبه بزين التراحيب
وهلت بخو نوره وزادت هناها
وماقبله احدٍ غير أهلها معازيب
ثم اعلنت وبكل عزه ولاها
حتى غدت درعٍ يصد اللواهيب
وكلٍ تذرى وستظل بذراها
ياديرةٍ تكرم عن أهل العذاريب
ماوالله اقبل ديرتلي سواها
فيها ربيت وعشت والذيب هو ذيب
يعيش مع مثله ويغزي غزاها
انشهد ان الحب ماهوب تركيب
حبي لها حتى بنسمة هواها
أحبها من حب أهلها وانا مصيب
والمخطي اللي لاتركها نساها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.