دارنــا مـــاوالـلــه امــه تـراهــا جــابــتـه - فهد السلمي

دارنا ماوالله امه تراها جابته
من يمسك لو بنظره وحنا لك جنود

من نوابك نية الشر دسنا هامته
ومن صفى نصفي وحنا أسودٍ من أُسود

نفتخر ونعرف وطنا ونعرف خامته
مأيزعزعنا كلام و دسايس من حقود

والعميل الي جميع الخلايق لامته
والله انا مادرينابه (الكلب )الشرود

والوطن يالخبل دايم رفيعه قامته
منحنى ولاينحني دامه بظل السعود

هم ذرانا ودرعنا وللأمان لجامته
وهم سندنا لاغدى الوقت نكارٍ جحود

وهم أساس الوحدة الي تكيد الشامته
وهم نواة الخير رغم المداهن والحسود

دارنا نسمعك لو مانطقتي صامته
لا نخيتينا لقيتي عيالك لك سنود

ولاعتزيتي كل رجلٍ حذف بعمامته
والمواقف تشهد إنا على العالم نسود

نفتخر والقلب مرسوم فوق أصمامته
السعودية كذا بشكلها رسم وحدود

دارنا ما والله امه تراها جابته
من يمسك لو بنظره خسى ماله وجود

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر