يمــه علام الدمع ؟؟ - النادره

يمه علام الدمع يكسي عيونك ؟
وشفي الحزن يكسيك ياتاج راسي

يفداك حالي بس هاتي حزونك
تريحي وأنا أشيل المآسي

هاتي عناء قلبك وهاتي طعونك
أعيشها بدلْك ياأهلي وناسي

أشرب شقاء أيامك وأنا أقول عونك
والله لا اشربها ولا اهز كاسي

تفداك انا روحي وقلبي يصونك
لاشفت زولك طار عني العماسي

ولامن هدا خاطرك وارتاح لونك
انسى شقاء عمري وحزني وباسي

يمَه أنا برجاك لايتعبونك
خلي القلوب الحاقده والنجاسي

خلي العناء والهم هم يجهلونك
ماعايشو طيبٍ بليا قياسي

هم مادرو باللي تخفي شجونك
الطيبه اللي فيك شئٍ أساسي

أمآآه أنا بطلبك خلي جفونك
تنسا الدمع وتذوق طعم النعاسي

© 2024 - موقع الشعر