يــا خــوك لا تسـمـع كــذوب ٍ وحـكـاي

يا خوك لا تسمع كذوب ٍ وحكاي
طير ٍ بلا جنحان لا يمكن يطير!

راسي ولا يمكن يهزون مرساي
لان ! الجبل ماهزهزته المعاصير!

القافله تمشي على جرة إخطاي
ومن خلفها تنبح كلاب ٍ (مذاعير)

إن كانها بالفعل ؟ ياطول يمناي
قسمي واخذته غصب من دون تقصير

وان كانها بالطيب ؟ ياطيب مجناي
من لابة ٍ تكسر جميع الطوابير

وان كانها بالشعر ؟ فالشعر مبداي
جمهوري اجزل ناس ( واذكى ) جماهير

وان كان ! ماذليت ابو خامس اعداي
ماني ( ولد صنهات ) من لابة مطير

وان كان ! مرفع راس ربعي في دنياي
الله ياخذني ولا عاد بي خير

الصيت بيتي ! واحتميته بشلفاي
والعز من فعل السيوف الشواطير

والله لخلي ذكّر شعري وطرياي
اسطورة ٍ تبقى مابين الاساطير

ماهو بعيب ! ان كنت حاطب وبّناي !
العيب .. لو إني ابا من يد الغير

والفقر ماهو قلّ مالي في مخباي !
الفقر .. لو ما اعرف رجال ٍ مناعير

بعدين لحضه ! وافهم ارجوك معناي
اللي بقوله مايبي .. له تفاسير

دايم لأي انسان ( ناجح وشرواي )
( اعداء ) وهذا الشي من يوم انا صغير