آخر رسالة ود ماهي ترجي
كتبتها والفكر شايش ومنرج

للفاتن اللي عن غرامي يسجي
واذا تذكر قال لايمكن اسج

صعبٍ على غيره لمثله يحجي
عنده حلول اليا بغى كيف يحتج

القلب في وادي غرامه يدجي
يادج حالي من هوا صاحبي دج

الى متى يازين وانته تهجي
ماغير احدك يم الاشواق وتهج

لو كان بيدي فوق كتفي تحجي
ترقى على كتفٍ تمناك وتحج

انت الحبيب اللي وصاله ينجي
نج الغريق اللي معك تسحبه نج

خل المشاعر من خفوقك تزجي
زج الغلى والشوق في مهجتي زج

اطلق عنان الود خله يلجي
ترا الذي يهواك بالشوق منلج

فج الضلوع اللي لها الشوق فجي
تلقى قليبٍ من غلاك انت منفج

منته من اللي للمكارم يمجي
يخدعك بالظاهر ولو تكرمه مج

فيك الوفا والحسن ريحه يعجي
للزين والعفه على هامتك عج

طاغي جمالك للعذارا يشجي
كل البني سبب جمالك لهم شج

اقر المشاعر صح خل التهجي
ماهو سوي لمثلك القاف يتهج

اما تعال بدون ذل وترجي
والا بلاش ارجوك يكفي لنا رج


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر