هات القلم - عبدالكريم بن خزيم

هات القلم ياخوك ثم هات كرّاس
بنات فكري داهمتني بليلي

معها بيوت ٍترجمه نبض الاحساس
وصلت حمايا زابنه كالدخيلي

وبغيت اعبّرفي حروف ٍمن الرأس
وأسري مع الأبيات ايضا وأشيلي

تال المروّه تحتضرضامها الياس
ماتوا اهلها مابقى الا قليلي

واستفرست كيف الثعالي والانجاس
والوقت هذا اشهد انه يملي

عمر البخيل وماعرف للكرم ساس
قولي موّثق وادعمه بالدليلي

كم من فدامه مهنته يفتن الناس
والى تكلّم بيّن إنه هبيلي

علّه ومثله للندامه والافلاس
وقت الحمل ماظن يقدر يشيلي

وش عاد يبقى لاأنقطع فيه الأنفاس
لاماتصّدق عاش عمره بخيلي

لا واهني من كان يظهر على واس
ويذكر ترى المعروف كنّه قتيلي

ياليت يسلم من مطافيق واخساس
أزوال ناس ٍ ماتمد الصميلي

تلبس ثياب ولاعرفت درب نوماس
من شكلها ياكيف يغترجيلي

فرق الذهب ماخالطه معدن نحاس
فرق الشتاء عن حر وقت المقيلي

جتك البيوت منقحه حيل بقياس
من شاعر ٍ قد شاف شيّن يهيلي

صار الضعيّف بالبشر كيف ينداس
دامه فقير ٍمالقى من خليلي

© 2024 - موقع الشعر