يا لايمي بالطير كب الملامه
مالك على شرواي حق وقوانين
اخاف من هرجك يقل احترامه
واهل الصقاره عنك ماهوب دارين
ثمٍ تجيب اعلوم فيها ندامه
تجرح شعور اهل الطيرو العزيزين
يا لايمي مالي عليك بنضامه
العلم واضح مايبيله براهين
الطير عندي بالغلا له مقامه
حبه سرا بالدم مثل الشرايين
حبه ترك فالقلب مثل العلامه
ماهمني في قاسي الوقت واللين
ناسٍ ولعها من جدودٍ قدامه
في عام الأول ماضي الوقت والحين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين