يا لايمي

لـ ظبية البان، ، في غير مُحدد

يا لايمي - ظبية البان

فيني من الوقت عقده ما لها حل
 اشوف بعض البشر تحقد عليّه 

من لامني ! باقول له قم تفضل
و اجلس مكاني شوف وش صار فيّه 

شفت البشر ما بين صاحي و مختل
 دروب مقطوعه بروحه و جيّه 

يا لايمي ياللي تعجّب و تسأل
من شك بي كيفه و أنا ماعليّه  

درب اللضى ماهو مثل مجلس الظل
 و عقل الرجل ماهو مثيل السفيّه

و أنا خفوقي من طعون الهوى مل
ما عدت افرّق بين هذي و ذيّه 

قلّ الصدق و المرجله و الوفا قل
 ما باقي الا بعض ناسٍ رديّه 

و أنا مثل ورده على نهر تذبل
لأني حسبت القاز و الما سويّه 

يا لايمي حبيتهم صرت اسفل
لأني حسبت الحب ماهو خطيّه 

الحب في قاموسهم حيل تنذل
و تكون أرض و غصب عنك وطيّه 

يا لايمي حرفي ترى حيل يخجل
قدام ناسٍ بالمراجل عليّه  

بتشتكي لله سبحانه و جل
و أنا بعد أشكي عليه الشكيّة

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر