لاذقت فنجالي وانا اللـي مسويـه - ضيف الله مغرق المرزوقي

لاذقت فنجالي وانا اللي مسويه
طالعت في عرض السما والخيالي

ودعيت ربن للمخاليق ترجيه
الواحد المعبود عز الجلالي

انه يقدرني على الجزل وجيه
ببيوت شعرن من ضميري اجزالي

ابدع قوافيها على كيف مابيه
اقطف من الجزله وكب الهزالي

واخفي لها المعنى وأغطي مواريه
من شان مايكثر علي الجدالي

وحط للواعي مواري وتنبيه
ومن لا فهم ماله عليه سوالي

الليث الاسحم من هو اللي ايجاريه
لاصار مالك فالطويله احبالي

يبعدك عن دربه ولانته امباريه
تعجز عن افعاله قروم العيالي

له هيبتن عند السلاطين تنجيه
بيته رفيع ومنزله فالعلالي

مايسبقه للعاليه غير طاريه
ينداش لا هبت عليه العوالي

يعوم عوم السيل لاخطى مجاريه
من حر مايونس يجيه اجتوالي

ومن لا عرف دربه يجي من يقديه
حتى ولو يصلاه فالدرب صالي

وسلا....متكم
ضيف الله مغرق المرزوقي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر