ناسٍ ليا من جيتهم تشرح البال
والبعض الآخر ودك الله يشيله

هراجة المجلس كبيرين الازوال
شذابة العرقوب باهون وسيله

اطرفهم اللي طبعه القيل والقال
يسابق الأندال ويعن خيله

يروج الأخبار من جال في جال
ويفرح ليا من قال هذا حصيلة

وقت السعه عنتر وابوزيد خيال
وان جات للوقفات دور بديله

والناس تفرق بالطبايع والأشكال
حرام مثله ينتمي للقبيله

خارج نطاق المرجله قول وأفعال
لن مات محدن قال راعي جميله

يالله تقطع رودهم بين الأجيال
فصيلة ياخسها من فصيله
فايز المنصوري

© 2024 - موقع الشعر