العيطموس

‏العيطموس اللي حلاها يزومي
بين البياض وجمرة الخد هوشه
!
لاسلهمت بالرمش ضاعت علومي
قامت عظامي ترتعد من رموشه
!
نظرات عينه مثل ضرب السهمومي
لا وقعت بالقلب دكت عروشه
!
الله يلوم اللي لــ مثلي يلومي
وعساه بسهوم المنايا تحوشه?
!
مثل القمر لابان غطا النجومي
يسري به الساري ونفسه بشوشه
!
يسلابه الخاطر وينسى الهمومي
في خايعٍ نبت الخزامي فروشه
!
الخشم مثل السيف مابه ثلومي
في جيدها سلسال كثرت نقوشه !

واليا تبسم هز وبل الغيومي
يصيبني من زود برقه رعوشه

كل الوصوف النادره به عمومي
عسا عيون اهـل النظر ماتنوشه
فايز المنصوري