حسبة العيد

لا والله إلا قريت حسبة العيد
واستجهدن بيض النسا في اسبوعه

قامن يحطن المجلمد جلاميد
وكلن يجدد ما اختفى من ردوعه

أحد ليا منه لبس عيد وسعيد
كمال زينة من حساين اطبوعه

واحدن يجي للزين دونه تجاعيد
كل القشر بين النواظر يصوغه

كم خفرة تلبس لبوس الأجاويد
ولا همها بالعيد من طار شوعه

مثل الأصيل اللي ليا طول الميد
مركاظها كل حكا في طلوعه

وفيهن ونود لو تفرك بتجهيد
اذراعها يلصق إلى حد كوعه

مثل الثبور اللي نهار المطاريد
عنها السعد غايب ويدها خموعه

الزين ماله في جسدها مقاعيد
اما تروح منه ولا تروعه