يا الله ياللي عندك الخير كله
انك تبدل ساعة الخبث بالطيب
ترحم اركاب حالها مستخله
تشكي الضعف غير الدبر والشواذيب
من عقب ماهي حملها ما تمله
تضرس عدايلها وتمشي جناديب
اليوم حتى جرمها ماتقله
رحنا وخلينا بعضها بلا طيب
عقب الشحم والربخ مثل الاهله
استضعفت والطق لحق العراقيب
اظهورها من شيلها مستخله
واخفوقها تشكي الحفا والظواريب
مسيرنا بين الجبال المظله
مع سكة الفرعي غدينا ذباذيب
من شذ منا قال راعيه خله
حل البطان وشال عوج المصاليب
الحال هين والدهر مردفله
وأرض شجرها فيه وصف من الذيب
من بين مكة والمدينة اشكله
حيفانة بادت بها الفطر الشيب
هذا واهلنا يم دار ندله
جنوبي الباطن شمالي تناجيب
في مشرع جعل السحايب تعله
ديرة رفاقتنا ودار المعازيب
غزيل الوادي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.