ورد الزمن - احمد الخالدي

‏ما غبت من كيفي والايام دولاب
‏كم فرقت ما بين خيٍ وخيه

‏هم المعيشه والمشاغل والاقراب
ما تطوي الشرهات 90 طيه؟

‏في صغرنا للعيش ما نحسب حساب
‏وقلوبنا بيضه وياهي نقيه

‏ويوم كبرنا واصبح الوضع غلاب
‏احلامنا راحت ضحيه ضحيه

‏أنا اشهد ان الهم راميه ما خاب
ورد الزمن يجرح بشوكه يديه

‏من كثر ما ودعت انا اصحاب واحباب
‏أحيان احس اني مجرد خطيه

‏ويا وجد حالي وجد من عارضه شاب
في عز ضيقه قام يذكر خويه

‏اللي توفى وانثروا فوقه تراب
‏وحده غدى من عقب كانوا سويه

‏صارت حياتي طية اوراق بكتاب
‏ودموع عيني بالمحاجر عصيه

‏دنيا وفيها للشقى والعنا باب
كل ما غلقت الباب يفتح عليه

‏وغبت وغيابي دونه اسباب واسباب
‏ولا المحبه باوسط الجوف حيه

© 2026 - موقع الشعر