توقظني الذكرى

يهب البراد الي نسيمه يجيب اقصاي
ويغيب السلام الي تمنيت عن بالي

وانا ماني بحاجة مغني ونغمة ناي
توقظني الذكرى وانا داله وسالي

ويعم الضجيج الي كتمته عن الحكاي
وتسود الهموم الي ماتكشف على غالي

ويعود الشعور الي مجيه سبب بلواي
وتغادر جموع الصبر وتخيب آمالي

وواجه عذاب الدرب ماحدن على يمناي
واشوف الامور تزيد من ضغطها العالي

ويتيه الفكر لو انها ما تتيه خطاي
واشوف البلا يكبر وذا الضيق متوالي

والوم الظروف الي تسلط على مشهاي
وانا اشوف حلمي صعب لو هو تهيالي

واصادم جيوش الفكر وانا على مركاي
واغبط النفوس الي من الليل متبالي

وتضيق المسالك كلها وحيلتي بدعاي
واطمن خفوقي بقولت انه يورالي 

واعود على ربعي بعد عشت في منفاي
ولا بانت الضيقه بوجهي ولا حالي