جابتني الذكرى وانا عنك تايب - شموخ الرشيدي

يا مرحبا من بعد ما غيابنا طال
جابتني الذكرى وانا عنك تايب

اكتب قصيده حبرها دمعٍ وسال
عل القصيد يرد بعض الحبايب

انا من الفرقا غدت حالتي حال
هادي وكل الناس حولي غرايب

والله من بعدك عثى وقتي ومال
رحلت عني .. دون اية سبايب

ناديت لك شعر وقصايد وموال
انا على شانك نويت الصعايب

اذكرك ومن ذكراك ماهتز فنجال
ما احب غيرك لو يسوي عجايب

كنت الغيوم الي من الحب همال
واليوم انا حالي كحال السحايب

شوف الزمن وشلون باحوالنا جال
ضاقت بي الدنيا .. ولا زلت غايب

#شموخ
© 2022 - موقع الشعر