إن كان حبك ذنب مايب تايب - محمدالعبدلي

قالوا تتوب وقلت ماظني اتوب"
"عن الهوى والحب ماني بتايب

ماانساك لو الشمس تشرقبي غروب"
"وطيح عجزانن على الأرض شايب

ناانساك لوبعدك لبست الكفن ثوب"
"وادفن وتركز فوق راسي نصايب

جيتك واجر خطاي زلات وذنوب"
"اجهل طريق الحق وأقول صايب

جيتك مع النسيان وجفاك من صوب"
"جيتك وشوف الحال وانت السبايب

حلمت حلم محمد وصبر ايوب"
"هذي ثلاث شهور يازين غايب

من سبت غيابك بدى الخافق يذوب"
"ودموع عيني فوق خدي سكايب

حبيت قلبي يوم حبك يامحبوب"
"وآشتقت لك شوق البذر للسحايب

حبك بقلبي حب يوسف ويعقوب"
"غاروا خوانه كيف عاد القرايب

قلبي غنيمة حرب لك صار منهوب"
"وقفيت به عقب النصر منت خايب

طال الغياب وجمر الأشواق مشبوب"
وطيفك يجيني مع نسيم الهبايب

للعين نظرة تشوف وللخطوة دروب"
"وللبعد وصل وللمحبة حبايب

ولولا التفائل والقدر لوح مكتوب"
"سلمت نفسي في يدين المصايب

حزني ملك وهموم قلبي له شعوب"
"صغير سن وجرح الأشواق شايب

ولو قالوا التوبه لابالله ماتوب"
"إن كان حبه ذنب مايب تايب

© 2022 - موقع الشعر