شمـوخ

لـ شموخ الرشيدي، ، في غير مصنف

شمـوخ - شموخ الرشيدي

لا من لفى الهاجس وثم اظلم الكون
تكتب على ضي القمر .. بنت عذرا
 
تكشف على سطوح الورق كل مكنون
وتشرق عليها الشمس .. والكل يقرا
 
يمرهّا عاقل وصاحي و مجنون
ويتفلسف الجاهل ويا كثر هذرا
 
اقدر اقول الناس من قاصي ودون
الكل بأوراق الشعر .. صار يدرا
 
قد قيل خلي الشعر والي يحبون
ولا لج على درب المحبين مسرا
 
قلت العفو وان كانكم ما تحسون
في كل بيتٍ .. صاير اليوم جهرا
 
ما قلت شعري بهرجه شكلٍ ولون
قلته ... لعل الجرح بالبوح يبرا
 
ماهمني لو قالوا الي يقولون
دامي امر النار ... واهل مطرا
 
مادمت مرضي الرب فالناس يبطون
ما حطّوا امن الضيق بالقلب ذرا :)
© 2022 - موقع الشعر