عديم الفعول

تمتع بزيف اوهامك الي بليا فال
وسولف عن الامجاد لكن بلا غايه

عديم الفعول اكثر كلامه عن الأفعال
وعديم العقل ينطق قبل تطلبه رايه

نعرفك ليا جات الحقايق شبه تمثال
تجيك الصغاير وانت من هولها تايه

وانا طبعي الغالب وفي ساير الاحوال
اعاند ظروف الوقت واسعى لمشهايه

وعلى كبر مجدي ما اتكبر ولا اختال
ومن دون درب العز ما تقصر خطايه

اغامر بقو العزم وواجه الاهوال
وهذا النهج نابع من اصولي ومبدايه

بلغت المراد الي تعسر على الابطال
وحزته وانا ماني بمستهلك قوايه