خليت هزل القيل واخذ سمانه
ماني على هزل التماثيل محدود
والطيبه لنا عليها ميانه
ولايجيني من راع النقد منقود
عطوني المسباح والخيزرانه
ابتسلئ بسبحتي وجرد العود
وعطوني الدربيل ابفحص ضمانه
يوم البراح الواسع اجرد وممدود
جربت قاسي وقتنا مع ليانه
حتى عرفت النقص والميل والزود
عزاه من جور الزمن وامتحانه
والمنّحني وراه نزلات وصعود
الله من شين تعدى زمانه
واللي تعدا راح ماهوب مردود
ماباقي الا جرته في مكانه
هاجر ولا ادري وين قفتبه النود
الوافي الجميل ذاك التكانه
وابيض جبينه مابدت فوقه السود
غلب عليه اللي سريع اجمحانه
وليا طمر طبح ورا جرف وحيود
عاش وتقوى من يزور بيانه
راعي اخلاقن كنها اخلاق نمرود
وقف على الرجلين عقب احبيانه
عقب التخفي صار واضح ومشهود
الصدق قل وقل حفظ الأمانه
والكاذب الخداع والمكر موجود
راع الوفا معروف واهل العفانه
ترا الردي ماهو معا الناس محمود
متفوق في ذل وبخل ومهانه
من الصافي الغزير مذاق قرهود
من يدرق بأهل الردى والجبانه
يطمع به الحصني ولا عنه منشود
عند الثعل يصير مثل الرهانه
متسيطر عليه بعقال وقيود
والقهوكي ياحسين خله بشانه
بطراف وجار النار والجرم مرجود
والبن والمحماس والهيل عانه
من فضل ربي ماهو غايب ومفقود
وبهارها من الهيل والزعفرانه
الدله اللي تبري عماس ملهود
والنجر من صوته وقو اضبحانه
اصحئ من المنام غافين ورقود
واللي لهم تقدير ولهم مكانه
تستاهل الترحيب وقِيف وقعود
بعض الاوادم لو شهر مهرجانه
لا مبيض وجهه ولا كاسبٍ فود
ذيب عواء ماهمني بعويانه
يابد من يومٍ ابلقاه مصيود
اما يطيح بحوصته وروغانه
ولا يجيه من العباريد عبرود
مخلف بن صعيب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.