معقوله انه صــــــار ــعادي لو أغـــيب .... واخذ سنــــه ماهم نوره غيـــــابي

معقوله انه صار عادي لو اغيب...
واخذ سنه ماهم نوره غيابي!!!

بعد الغلا والشوق ومزارق الطيب...
واموت به مره... ونوب يحيابي!!!

وارحب وهمسات الغلا والمكاتب...
والشوق واللهفه وكثر ارتيابي!!!

تبيني انسى يم عكش(ن)مهاديب...
وريحة بعض عطرك معي في ثيابي!!!

ماني مصدق ياحبيبي ولانيب...
متوقع الفرقاء ورحلة ايابي!!!

وشلون تبغاني وانا اقول ابا اشيب...
في حب مثلك لويزيد العيا بي!!!

لكن على الله والحناياء معازيب...
للنايبه والقلب صار انسيابي!!!

نصبر لمادارت علينا الدولايب...
البعد موحش والعواذل ذيابي!!!

واليوم ياملح البنات الرعابيب...
باجوز عن وصلك لو انك تحيابي!!!

مادام عادي صار وضعك لو اغيب...
اليوم هذا هو بداية غيابي!!!