ماتعودت اللحوق لعالم ٍ لحاقه

لـ عبدالله فهد الشمري، ، في المدح والافتخار، آخر تحديث

ماتعودت اللحوق لعالم ٍ لحاقه - عبدالله فهد الشمري

والله اني كل مانزلت حمل اكتافي
شلت لي حملن جديد ولالقيت عتاقه

انبريت من الهموم اللي معي ياكافي
هم منهو دون سبه قيدو له ساقه

انعزلت ولا ابي زولن اشوف يشافي
لاقريب ولا بعيد و لا اهل لا رفاقه

سائمن وضع الحياة المجتمع هتافي
خلف منهو ل الكبر ربي عماه وساقه

هب ياهذا الزمان اللي عسفنا عسافي
بدل سلوم العروبه بالسلوم العاقه

استرح يا بل فعول اللي سفاه السافي
لاتدور في عتيم الوقت نور اشراقه

وابتعد يا بل يمين اللي عطاها ضافي
انطوت صفحة كريمن مايحب نفاقه

الطحالب خالطت عذب القراح الصافي
واقمشة ستر الأودام مابقابه طاقه

المراجل صابها في هالزمان خلافي
والشوارب نصها تحتاج موس حلاقه

والخوي اللي حسبته مخلصلي وافي
‏دون بابي يابغيته زلّ عنّي ساقه

عيش ياراسي كسيتك ياوريث اسلافي
تاج عزن عاشقينه وانت من عشاقه

مارقاك الا العقال لشمري و سنافي
والشماغ اللي مطرز في سلوك دقاقه

من زعل منك بلا سبه مراح الهافي
ماتعودت اللحوق لعالمن لحاقه

وش عليّ مادامني في صحتي متعافي
طاب راسي دام له بالطايلات علاقه

© 2023 - موقع الشعر