سيف هجرك

ياحبيبي سيف هجرك  لا تسله
وانت تدري مابقى فيني جلاده

اشتعل جوفي ولا بردت غله
وانت تعرف لمسة ايدينك ضماده

هو جفافي غير مزنك وش يبله
لا تخلي القلب في رجوى معاده

حبي الوافي ترا طبع وجبله
ما تصنعته ولا اتعبني حصاده

ودمع عيني يوم لعيونك اهله
زود غيره مايجي فيه انتقاده

دام جاك القلب وش قومك تتله
ليه ما تعطيه من عطفك مراده

وحبل وصلك ياحبيبي لا تفله
قرب وعاشقك لا تجرح فؤاده

ماحسبت ان الهوى روحك تمله
وانت شايف حرص قلبي واجتهاده

هايم بحبك ولو سيفك تسله
مارضى قلبي سوى معك انقياده