لاباس ياراسي

لاباس يا راسي من الهمّ لاباس
هذي حياتي كلّها هي شقيّه

أيّاك تشكيها لواحد من الناس
تزداد همّ اللا تطيح ب بليّة

امما ذهب ما كان صايغه نحّاس
والهمّ هو ل النا يفات لعليّة

ياراس جامل ضحك خلّيك جرناس
والعمر ساري بي ولو عشت ميّة

ياراس انت شامخ شموخن على ساس
حنّا بنات العزّ واهل الحميّة

عيش التجارب والتجارب ف مقياس
واللي خذيته هي دروسن قويّة

يا راسها انت دوس وايّاك تنداس
احذر تدوسن غير روسن رديّه

طيشك هواك وبوحك ان طالت امواس
عثره لها كلّ الخيول الحميّة

والمجلس اللي لاش مافيه نوماس
صايد قهاويه و علومه فضيّه

نفسك مجالسها ف هي خير مجلاس
هي صاحبن فيه الخصال الوفيّة

بقلمي "الريم ال محمد الشمري"