يا هيه

بنت انا يا هيه من عالي الإمارة
بنت ل للي ايتنومس به خويّه

محيي اعظام الجدودي ل الصدارة
يكفي اني بنت أبويَ الأبيّه

بالذكاء من هو غلبني وب الشطارة
بالعواطف قصني به شاعريّه

شاعره حكمه على الدنيا بْيسارة
ما يفاخر بالجدود الإوليّه

ما اني من ال يفتخر في بيت جاره
افخر بنفسي واقول العزّة ليّه

بس هو تاريخ جدي لك منارة
بنت قوما بالمكارم حاتمية

افْخر بْنفسي اللي بالصدارة
و الوصافه تحلم تْلامس يديّه

ادري ان عيب افتخر بس افتخاره
يكسر خشوما تعالت بالرديه

بالشعر في قمة شْعوري لي اماره
العب ببوزنه مع روحه وجيّه

لي مع اهل الهوى قصة خساره
قصة في نهج السلوم الأوليّه

كلما اذكر لي حبيبا غاب داره
في ضلوعي وارجع ادوره فيه

كان اكبر من كلامي بختصاره
لختصاره ما تكفي أبجديّه

يخْلق التاريخ ل تدوين الحضارة
وانْخلق شعري ل تدوين الخطيّه

لا تصدق ذنب في دمي تجارة
انت اطهر من شعورا عاش فيّه

ذنب مدري ام خطأ بس الخساره
الخسارة ما ارتكبته في يديّه

ريم الشمري