يا هيه

لـ مساعد السوارج، ، في غير مُحدد

يا هيه - مساعد السوارج

( يا هيه )
 
ما عاد لك قيمة ولا شي يا هيه
ارحل بعزة نفس قبل الأهانه
خلاص قلبي مات وشله تناديه
ليتك تعرف شلون جرح الخيانه
من يوم شفتك شابك ايديك بيديه
لعنت قلبٍ حب قلبك وصانه
والمشكلة قدام عيني تداريه
يا قو قلبك كيف خنت الأمانه
بالك تحاول بالعتب والمشاريه
وقت العتب وياك قفا زمانه
لك عين راجع يم قلبي وتبكيه
واتهل كل الدمع هذا عشانه
تقول هاك القلب واقول ما بيه
مليتها وياك هالأسطوانه
جرحك مكن في خافقي وين اداويه
ما هيب دعوا يا حبيبي ميانه
خلاص مالك شي هاليوم ترجيه
عليت نفسي عن هواك وطمانه
قلبي عزيز ولا يغير مباديه
اقطع رجاك انك ترد الحنانه
مادامني حاشمك عن شي اببديه
ارحل وخل القلب وانسى مكانه
يا هيه قلبي مات وشله تناديه
ليتك تحس بيوم طعم الخيانه
ياهيه كانك تفهم العلم يا هيه
ارحل بعزة نفس قبل الإهانه
© 2022 - موقع الشعر