يا بحر انا جيتك وانا اجهل خفاياك - زياد غانم السعدي

يابحر انا جيتك وانا اجهل خفاياك
يا بحر بيّح لي خفاك بقصيده

يوم ان كل الناس تشكي على ماك
الكل فضفض لك قدمه وجديده

اليوم خبرني عنَك ويش مشكاك
معقوله ايامك هنيه سعيده

يابحر لو تبكي محد لاحظ بكاك
دمعك خلط ماك وحياتك بليده

سماك فيه البدر ونجوم وافلاك
وارضك بها من الخلق ناس عديده

بطنك به المرجان واللول واسماك
واللي خفى عند الولي علم اكيده

مابيك تعطيني سمك تسلم ايداك
علمني كيف اصطاد وانا اجيده

شريت سناره لجل صيد الاسماك
و اثر السمك حرف الايادي تصيده

زياد السعدي
© 2023 - موقع الشعر