انا اجهل اللي بالنفوس ويش هي نياتها

لـ رشيد الخليفه، ، في غير مُحدد، آخر تحديث

انا اجهل اللي بالنفوس ويش هي نياتها - رشيد الخليفه

يانجم ياللي في ظلام الليل تكفى لاتغيب
اباهتدي بك في دروب تهت في ظلماتها

تكفى ترا تكفى لها بسلومنا معنأ عجيب
تشهر صناديد الرجال وتنعرف وقفاتها

مشيت لي درب يخيف ويسلكه خلق غريب
خلك معي لين الوجيه تبين لي قسماتها

لين اعرف اللي ماقفه جنبي واعرف امن الحريب
واقيس خطواتي وحسبها قبل عثراتها

لقيت لي خلقً عجيب يخلف العقل اللبيب
يعيش دنياً زايله غرقان في لذاتها

يجيك وجهه وجه طفل ونيته نيات ذيب
وانا اجهل اللي بالنفوس ويش هي نياتها

لا كن نظراتي بهم يانجم دايم ماتخيب
افواههم لا قلت عد الحق طال سكاتها

ياكثر خلان الرخا يا معدم الراي المصيب
يا قل من يوف العهود اليا قست شداتها

اشوف راع المصلحه يرقا على المنبر خطيب
كل المذاهب يتقن الخطبة على ملاتها

وراع النصيحه متعبً نفسه ولا حدً مستجيب
والناس كلً يكرهه وازرا يلم اشتاتها

يانجم ياكثر الدروب اللي تودي ما تجيب
يصعب على اللي يبتديها لو بغى رجعاتها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر